Khawzawlah lo hâl zo tawh

Khawzawl khawpui huam chhunga loneitute chuan nimin khan lo an hâl zo. Kumina lo hâl hun hnuhnung chu March 15 a ni.

Khawzawl aṭanga thu dawn danin, kuminah hian Khawzawl Joint VC chuan lo atan Zaingen ram, Darngawn ram leh Zuchhip ramte an ṭheh a; Thawhṭanni khan meilam an sial a, vawiinah vahchapte chu hâl turin ruahmanna siam mah se, remchan zawkna avangin nimin khan an hâl a ni. Lo nei tura ram pawt Darngawn ramah mi 81 an awm a, Zaingen ramah mi 39 leh Zuchhip ramah mi 40 velin lo an hâl a; tun thlengin Khawzawl leh a chhehvelah ram kâng a la awm lo.