Hmeichhe chawikan chungchang zirho

National Bank for Agri­culture And Rural Deve­lopment (NABARD) chuan nimin khan Aijal Club-ah International Women's Day pualin 'Socio Economic Empowerment of Women' tih thupui zirhona (seminar) an buatsaih a, padma shree dawng tura thlan B Sangkhumi'n a hmanpui.

B Sangkhumi chuan, "Theihpatawpa kan tih chuan hmeichhiate hian tih theih loh kan nei lo a, chumi tur chuan kan ṭan rual a ngai," a ti a; hmeichhe dinhmun chawikan nan hmalakna tur tam tak a la awm thu a sawi.

Inthîkna a awm fo thu sawiin Sangkhumi chuan, "Hmeichhe dinhmun chawikan a nih theih nan hmeichhiate hi kan pawi­mawh a, kan ṭan rual a ngai. Inthîkna leh mahni aia sanga awm turte inpawh hniam duhna rilru hi i sim tawh ang u," a ti.

Seminar-ah hian RBI general manager Mary Beng, Apex Bank chairperson T Lalmuanpuii, Mizoram University-a zirtirtu Prof. Zokaitluangi, AMC councillor Baryl Vanneih­sangi, Kawnpui Women Farmer's Club president R Lalbiakdiki leh Ainawn SHG president Zochansangi te pawh an tel a ni.