Governor Pillai-a'n Lunglei a tlawh

Governor PS Sreedharan Pillai chuan nimin khan Lunglei a tlawh a, Circuit House tualzáwlah Lunglei district-a sorkar hotute nen 

an inkâwm.

Larsap chuan, district tihmasawn zel tura hmalak ṭulte leh harsatna awmte zir chiang a, sorkar hnathawkte leh khawtlanga mi pawimawhte kâwm tura kal a nih thu a sawi a, "Mizoram hi ram nuam tak, a mi chêngte pawh thinlung thianghlim tak pu in niin ka hria. Khawtlang anga lungrual taka khawsakhona leh sorkar in ṭawiawm tlatnate hi a fakawm hle a ni," a ti.

Hmasawnna daih rei leh tlo nei turin kawng hrang hranga intodelh a ṭul thu sawiin Sreedharan Pillai  chuan, sorkar hotute chu district tihmasawn tura mawhphurhna fawng vuantute an nih avangin, an hma zawn ṭheuha tih turte taima taka thawk tur leh mipui hamṭhatna dah hmasa zel turin a chah.

Inkawmhonaah hian Lunglei DC Kulothungan A chuan Lunglei district chanchin, dinhmun leh hmasawnna hna kal mekte a sawi a; Lunglei SP Rex Zarzoliana Vanchhawng-in dan leh thupek kenkawh chungchang leh venhimna kalpui dan tlangpui a 

sawi bawk.

Governor hi kohhran, tlawmngai pawl leh political party aiawhte nen an inkâwm bawk a, harsatna an neihte ziakin a hnenah an thlen a ni.

PS Sreedharan Pillai hian hnuchham enkawlna hmun Bethel Centre, Chhûmliankawn leh Christian Hospital, Serkawn a tlawh bawk.