MNF ṭhalaite'n lawmawm an ti

MNF ṭhalaite chuan thuchhuah siamin, Mizoram 8th Legislative Assembly-in session vawi sarihna tluang taka neih zel a ni leh deputy chief minister Tawnluia leh minister of state Lalchhandama Ralte te demand pawm a ni chu lawmawm an tih thu an tarlang a, "Kan MLA-te an chhuanawmin, ram leh an bial tana ngaihtuahna an sèn nasatzia kan hmuhin chhuanawm kan ti hle," an ti.

MNYF chuan Dy.CM Tawnluia a demand a khaikhawmnaa a sawi ṭhenkhat tarlangin, Mizoram Subordinate Services Selection Board (MSSSB)-in promotion incumbent 393, regularization incumbent 11, absorption incumbent 36, confirmation incumbent 99, conversion incumbent 20, upgradation incumbent pasarih leh limited departmental examination vawi hnihte an tihder tawh thu leh, February 2021 thlengin DPC vawi 83 neih a nih tawh thu an tarlang a ni.

MNF ṭhalaite hian Assembly session-a Tawnluia leh Lalchhandama Ralte te thusawi eng emaw zat an tarlang chhâwng bawk.