Kum 2018-2019 atan BADP-ah Cheng nuai 3,577.78 hmuh a ni
Rural Development minister Lalruatkima chuan, kum 2018-2019 atan BADP-ah sorkar laipui aṭangin cheng nuai 3,220 leh state matching share-ah cheng nuai 357.78 a vaiin cheng nuai 3,577.78 hmuh a nih thu ZPM member C Lalsawivunga zawhna chhangin House a hrilh.
Lalruatkima chuan BADP guideline thar siam turin tih tur a tam thu sawiin, "Ministry of Home Affairs chuan BADP guideline siam turah state-te ngaihdan a la khawm a, Mizoram pawhin ngaihdan kan thawn tawh," a ti. MNF member Dr ZR Thiamsanga zawh belhna RD Minister-in a chhan danin, BADP pawisa hi a dah tamna ber block Champhaiah chuan cheng nuai 323 dah a ni a, a dah tlemna ber block Siahaah chuan cheng nuai 164 dah a ni.
BADP sum dah zat
RD Block Dah zat (Rs. in lakhs)
Ngopa 219
Champhai 323
Khawbung 272
East Lungdar 166
Hnahthial 226
Bunghmun 184
Lungsen 228
Siaha 164
Tipa (Tuipang) 173
Sangau 167.50
Lawngtlai 167.50
Bungtlang South 171
Chawngte 216
West Phaileng 191
Zawlnuam 213