Bru lak let hna buaipui turin MCS officer pasarih ruat

Tripura refugee camp-a awm mek Mizoram Bru-te kumina Mizorama hruai kîrna tura hmalakna buaipui bik turin, Mizoram sorkar chuan MCS officer pasarih a ruat thar. Bru lâk lêt tumnaah hian Mizoram sorkar chu a theih ang angin a inbuatsaih mek zel nia thu dawn a ni.

Mizoram Bru raltlan, Tripura-a awm mekte hruai kîr hna buaipui tura MCS officer ruatte chu - Serchhip SDO (Sadar) R Vanrengpuia, RD deputy director Lalchhanhima, Lawngtlai SDC Vabeimozachhi Chozah, Champhai SDC Benjamin Zalawma Ralte, Serchhip SDC Samuel Zodinsanga, Siaha SDC Ngulzaṭhuama leh, PS to Governor Lalngaihzuala te an ni.

MCS officer pasarihte hi July 2, 2019 ral hmain Mamit DC hnena inhriattir tur leh, July 2-a Mamit DC conference hall-a briefing neih turah tel ngei tura hriattir an ni. Tripura identification neih chhung zawng chu Mamit DC-ah dah (attached) an ni dawn a; Bru identification chu July 25-ah zawh theih beisei a ni.