Dan loa zawrh petrol man
Treasury Square-a MIZOFED petrol pump bula dan loa petrol zawrhte police-in nimin khan an vâi a; mi hrang hrang aṭangin dan loa petrol zawrh eng emaw zat an man. Dan loa petrol zuar an mante chu thubuai siamsak an ni.
Police-te'n dan loa petrol zawrh an man dan chu - Vanlalsiami (55), Bungkawn hnen aṭangin litre 7, Lalringliani (60), Dinthar hnen aṭangin litre 87, Lalnunmawii (67), Tuikual South hnen aṭangin litre 32, Malsawmthangi (48), Tuikual South hnen aṭangin litre 41 leh, Lalrisangi (42), Dinthar hnen aṭangin litre 5 a ni. A neitu hriat loh litre 110 an man bawk. Police-te hian Aizawl District Magistrate thupek bawhzuiin dan loa petrol zawrh hi an vâi a ni.