LRS Minister-in a hriatpui lo

Land Revenue & Settlement (LRS) minister Lalruatkima chuan INC member Lalrindika Ralte zawhna chhangin, VC pass aṭanga periodic patta-a let thei nia insawite a hriatpui loh thu Assembly House a hrilh.

Lalrindika Ralte chuan, 'Silchar to Sairang highway laih thar turah Revenue department-in May 27, 2020-a notification a tihchhuah tawhah VC pass aṭanga periodic patta-a let thei nia insawite'n VC pass neitute hnenah periodic patta-ah in ram kan leh sak che u ang a, ram man lak a nih hnuah 75% kan chang ang a, ram neitute 25% in chang ang, an tih hi Revenue Minister-in a hriatpui em' tiin a zawt a; Lalruatkima chuan, "Hriatpui lo" tiin a chháng a ni.