P&E transformer chhiat vangin Aizawlah tui a harsa - Tawnluia

Public Health Engineering (PHE) changtu deputy chief minister Tawnluia chuan INC member Nihar Kanti zawhna kal zelah, tunlaia Aizawla tui harsat chhan chu tui pump-na atana hman Power & Electricity transformer chhiat vang a nih thu Assembly House a hrilh.

Deputy Chief Minister chuan, Luangmuala P&E transformer a chhiat thu sawiin, "February 23, 2021 aṭang khan PHE pawhin power supply tel loa tih dan a zawng a, diesel hmanga pump a ni. P&E lam pawhin transformer siamṭhat tumin theihtawp an chhuah a, tunkar chhung hi chuan hman theih tura peih theih an inbeisei," a ti.

PHE Minister chuan, electric power supply tel loa tui pump a nihin ni danga electric power hmanga pump ṭhin ang ni khatah litre nuai 37-a a phâk loh thu sawiin, "Transformer a ṭhat chuan a pangngaiin a kal leh thei ang. Ni khatah litre nuai 175 pump theih ṭhin a ni," a ti a; tih theih piah lama harsatna tâwk an nih avangin hrethiam hrâm hrâm turin mipui a ngen a ni.