COVID-19: Mizoram dinhmun Hri vei enkawl mek 8 an awm
March 10, Nilaini khan Mizoramah mi 694-te swab sample endik ni mah se, Covid-19 vei hmuh chhuah a ni lo. Nimin khan hripui laka fihlim tawh mi pakhat chhuahtir a ni a; Mizorama Covid-19 positive hmuh chhuah tawh mi 4,434 zingah enkawl lai mi pariat chiah an awm.
Nilainia swab sample endik dan chu - ZMC laboratory-ah RT-PCR hmangin 77, TrueNAT-PCR hmangin Lungleiah pakhat leh RAT hmangin district 10-ah 616 a ni a, a vaiin sample 694 a ni.
Hripui laka fihlim tawh, enkawlna hmun aṭanga nimina chhuahtir chu Champhai CCC aṭanga chhuak a ni.
Mizoramah Covid-19 vei mi 4,434 hmuh chhuah a ni tawh a, mipa 3,234 leh hmeichhia 1,200 an ni. Nimin tlai dar 5 thleng khan mi 4,416 (99.59%) chhuahtir an ni tawh a, mi 10 (0.23%) thi tawhin, enkawl mek mi pariat (0.18%) an awm.
Nilainia swam sample endik dan chu - ZMC laboratory-ah RT-PCR hmangin 77, TrueNAT-PCR hmangin Lungleiah pakhat leh RAT hmangin district 10-ah 616 a ni a, a vaiin sample 694 a ni.
March 10, 2021 thlenga Mizorama swab sample endik tawh zat chu 2,40,444 a ni a, chu'ng aṭanga Covid-19 positive hmuh tawh zat 4,434 chu 1.84% a ni. Hripui vei hmuh tawh zinga mi 2,117 chu Mizoram chhunga kái chhâwng an ni a, mi 2,317 chu Mizoram páwn aṭanga an rawn luh hnua hmuh chhuah an ni thung.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah hian Covid-19 positive 2,657 hmuh chhuah a ni tawh a, TrueNAT-PCR hmangin 673 leh RAT hmangin 1,103 hmuh chhuah a ni tawh.
Tun dinhmunah Mizorama district 11 zinga pakua - Lunglei, Siaha, Champhai, Kolasib, Serchhip, Lawngtlai, Mamit, Khawzawl leh Hnahthial district-ahte Covid-19 vei an awm tawh rih lo. Aizawl leh Saitual district-ah chiah hripui vei enkawl an awm tawh a ni.