MSU-in pension tur pawhsei duh lo

Mizo Students’ Union (MSU) Gen.Hqrs. chuan thuchhuah siamin, RUSA-a Assistant State Project Director (ASPD) chu April 30, 2019-ah pension-a chhuak tur a nih laiin, mimal duhsakna vangin thla ruk atana Mizoram sorkarin a ruai nawn tih an tarlang a, ṭha lo an ti tak zet thu an puang.

MSU chuan, RUSA-a ASPD ni turin tling (qualify) tam tak an awm tih sawiin, "A hnuaia mite promotion zel tur danna a nih avangin MSU chuan RUSA ASPD hna chelh mektu thla ruk atana rawih chhunzawm a tum hi ruai chhunzawm lo turin sorkar kan ngen a, sorkarin rawih chhunzawm a tumna a cancel lo a nih chuan a tawp thlenga do ni se kan ti," tiin an tarlang.