Lunglei-ah Folk Song & Dance Festival hman a ni

Art & Culture department leh Mizoram Cultural Organisation (MCO) Hqrs., Lunglei chuan nimin khan Lunglei Pûkpui khelmualah Folk Song and Dance Festival an buatsaih a, Art & Culture director R Hmingthanzuala'n a hawng.

Festival hawnna inkhawm hi Lung­lei MCO president R Lalsangvunga'n a kaihruai a, Art & Culture Director chuan, Mizo culture leh Kristianna a inzawm tlat tih sawiin, "Tlawmngaihna, huaisenna, taimakna leh diknate pawh hi Kristianna nena inzawm tlat a ni. Kan hnam nunphung hi kalsan loin vawn nun zel a pawimawh," a ti a; ṭhangtharte chu Mizo hnam lâm thiam ṭheuh tur leh Mizo nun ze mawi tlawmngaihna, huaisenna, taimakna leh diknate vawng nunga chhawm zel turin a chah.

Festival-ah hian MCO branch pakuain hnam lâm chi hrang hrang an entir a, Mizoram Gurkha Youth Association-te'n special item an nei bawk.