Act East Policy hmanga sumdawnna Mizoram mite'n hlâwkpui se an duh
The Importer-Exporter Code (IEC) Holder Association tun hnaia ṭhukhawm chuan resolution an pass a, 'Act East Policy hmanga hmasawnna kalpui mek chu Mizoram leilung fate'n a hlâwkna a tam thei ang ber kan tél tur a ni' an ti.
IEC Holder Association chuan, Act East Policy hmang sumdawnna chu Zo fate inpumkhatna tichhe zawng ni lo, ṭanrualna leh inunauna kawng tihmasawntu a nih theihna atan dik taka sumdawnna kalpui an duh thu tarlang a ni.
IEC resolution dangte
* Sumdawngte hnen aṭanga phuahchawp leh tukluih pawisa lak ṭhin tihtawp.
* India ram chhunga vawi tam tak Zokhawthar - Silchar inkara pawisa chawi ngai tam lutuk hi tihtawp leh pawisa chawi sia memo/receipt dawn tur awm lo tihtawp.
* Transport department hnuaia chhiah chawi inang vek si, Champhai Transport Union ni ve loin foreign bungrua phur ve thei miah loh hi kan ram chhung ngeia inthliarna a nih avangin tihtawp.
* Hnam dang sumdawngte'n tute emaw thurualpuia Mizote kal kâna foreign sumdawnna an kalpui mek tihtawp.
* Zokhawthar leh Seling daia Custom duty checkgate-ah chhiah chawi nawn (double) tihbo leh Custom duty-te'n sumdawngte hnenah an pawisa chawi/pekna receipt pek.