Lungleiah Child Rights Protection zirho

SCERT-a Child Rights Protection Cell leh School Education department chuan nimin khan Cultural Heritage Center, Lungleiah 'Child Rights Protection for Middle School' tih zirhona hun an buatsaih.

Sensitization prog­ramme hi Lung­lei SDEO Mickey Lalenkawla'n a kaihruai a; SCERT-a lecturer Zozikpuii'n zirtirtute chu zirlai naupang enkawltu an nih thu sawiin, "Sorkarin dan hrang hrangte duang chhuakin, chung zingah chuan Child Rights Protection hi a pawimawh hle. Kan naupangte hi eng lakah pawh an him tur a ni. Dan chu dan a nih avangin 'ka hre lo a lawm' tih a thiang lo," a ti a; naupangte chu thunun tur ni mah se, corporal punishment pek loh tur a nih thu a sawi.

Lunglei chief judicial magstrate (CJM) Julie Lalrinzami chuan, "Child Rights Protection zirho hian zirtirtuah hmasawnna tam tak a thlen ka beisei. He dan avang hian zirtirtute kut phuara awm taah inngai loin, naupangte an hma lam hun siamsakna ṭha tak a ni tih hriat a pawimawh," a ti a; zirtirtute chu Child Rights Protection chu a haw tâwk leka hre lo a, hre zîktluak turin a chah.

Lunglei DCPU Lalrinkimi chuan, an district-ah Child Rights Protection awareness campaign an neih ṭhin thu sawiin, "Sikul hrang hrangah zirtirtute leh naupangte hriat tur inhrilh ṭhin a ni. Zirtirtute'n zirlaite tana ṭha ber tur an ngaihtuah a pawimawh. Kan naupangte dinhmun hria a, venhim leh an chung­ah eng nge thleng tih hi zirtirtute'n hriat a ṭul," a ti a, naupangte'n harsatna an tawhin chhan ngam turin zirtirtute chu a fuih.