MPYCC-te infuih thar

Mizoram Pradesh Youth Congress Committee (MPYCC) chuan nimin khan Chawngvawra Resort-ah political training leh intuaitharna hun an hmang a, MPYCC president hlui Vanlalawmpuii Chawngthu leh Sangzela Tlau ten fuihna thu an sawi.

Vanlalawmpuii Chawng­­­thu chuan, phun hun leh seng hun a awm tih sawiin, "Tunah kan tla a, MNF hi tun ang zela an kal chuan kum nga bak sorkarna an chelh zo lo ang, mipui khawih thil tam tak, sum vángte kan sawi ṭan ta dêr a ni," a ti a; harsatnate  huaisen taka paltlang turin an hruai­tu hmasate tih ang an tih theih ve a ngaih thu leh, eptu party nih chuan huaisen ngaihna thil tam tak a awm thu a sawi.