MCS trainee-te’n CM an kâwm

Mizoram Civil Service (MCS) 2018 batch, trai­ning nei mekte'n nimin khan chief minister Zoramthanga a pisaah an kâwm a, Administrative Training Institute (ATI) director Kesavan R leh joint director Angela Zothanpuii ten an kalpui.

Chief Minister chuan, MCS trainee-te'n training schedule ṭha tak an nei chu lawmawm a tih thu sawiin, "State dangte tan pawh entawntlak tura siam zel ni se," a ti a; trainee-te chu an hna an zawm hunah pawh officer thawk ṭha, rinawm leh ṭhahnemngai tak ni turin a chah.

MCS 2017 batch-te hian kum khat chhung training an nei dawn a, India state hrang hrangah leh Mizoram hmun hrang hrangah training neiin, May 2019 tawpah training an zo dawn a ni.