MSLSA Secretary-in Lawngtlai a tlawh
Mizoram State Legal Services Authority (MSLSA) member secretary Vanlalenmawia chuan May 2, Ningani khan Lawngtlai District Court leh Lawngtlai District Jail a tlawh.
Vanlalenmawia hi District Court a tlawhnaah chief judicial magistrate BT Lala Sakachep hoin thawktute'n an lo dawngsawng a, District Court kalpui a nih dan te, Court tichangtlung tura hmalakna awm leh hmachhawpte an sawiho. Lawngtlai CJM chuan, Court tihchangtlunna atana an ngaih pawimawh hrang hrangte MSLSA Member Secretary hnenah a thlen.
MSLSA Member Secretary hian Lawngtlai District Legal Services Authority hnuaia Legal Aid Counsel-a thawkte a kâwm a; an hnathawhna atana hriat tur pawimawhte sawipuiin, hriatthiam loh an neihte a hrilhfiah. Lawngtlai District Jail a tlawnaah Vanlalenmawia hian jail tángte hmaah thu sawiin, "Jail tàn chhan tam ber chu ngaihsam vang a ni. Jail aṭanga in chhuah hunah pawh in thil tih ṭhinte bànsan a, nun dan pangngaiin awm tum ang che u," a ti a; dan lama harsatna an neih chuan thuneitute hnena thlen thuai turin a chah.