US nawrna vangin Iran tlawm tum lo

Iran Foreign Minister Mo­hammad Javad Zarif chuan US chuan na takin nawr mah se, Iran chuan US thuhnuaia tluk luh a tum lo tih a sawi.

Javad Zarif chuan US-in an hrekna avangin kawng dang an zawng dawn tih sawiin, Iranian international nuclear deal siam hma kum 40 chhung zet chu US tel loin an lo khawsa tawh a, tunah pawh an thei leh dawn tih a sawi.

Iranian international nuclear deal aṭang hian nikum May thla khan US President Donald Trump chuan an inhnukdawk tih a puang a, Iran hi a hrek zui ta a ni. Iran aṭanga oil laluttu ramte pawh a vau zui nghal bawk. US hian Iran hi oil hralh chhuak thei lo tura siam a tum niin mithiamte chuan an sawi.

Doha-a Asia Cooperation Dialogue 16th ministerial mee­ting neihnaa kal Zarif chuan US-in a hrekna chungchang hi a sawichhuak a, Iran chuan inhnuhhniam tumna an nei lo tih a sawi a, an inhnukhniam ngai dawn lo tih a sawi bawk.