Ram kâng ṭhelha thi zángnadawmna pek tum

Environment, Forest & Climate Change (EFCC) minister TJ Lalnuntluanga chuan nimin khan Assem­bly session-ah Khup­siansang (39) s/o Tual­­zachin, Ngaizawl, March 11, Ningania ram kâng ṭhelh a tumnaa chesuala thi ta chu záng­nadawmna pek theih dan tur Mizoram State Fire Prevention Com­mittee-in a ngaihtuah dawn thu a sawi.

TJ Lalnuntluanga chuan, Khupsiansang chhungte chu bialtu MLA Dr ZR Thiamsanga'n Rs. 10,000 a pek nghal thu sawiin, "Khawzawl DFO, RO leh Kawlkulh RO-te a vuinaah kalin, chhiat tâwk chhungte Rs. 10,000 an pe nghal a ni.

Zangnadawmna pek theih dan tur Mizoram State Fire Prevention Committee-in a ngaihtuah ang," a ti.

February 25 khan Zamawia (87), Kepran khua chu kângmei a ṭhelhnaah a kang hlum a, hemi chungchang pawh hi EFCC Minister chuan chiang zawkin February 26, 2021 khan House-ah a sawi tawh a ni.