ZORO-in President leh PM ngen

ZORO chuan nimin khan Myanmar sipaite'n sorkara thuneihna an hnehchhuh chung-changah hma la turin President Ram Nath Kovind leh prime minister Narendra Modi an ngen a; an ngenna lehkha chu nimin khan Mizoram Governor hnenah an thehlut.

ZORO chuan, Myan-mar sipai rorelna chu dik lo taka thuneihna hnehchhuhna a nih avang leh human right palzûtna a nih avangin Myanmar hrêk turin Presi-dent leh Prime Minister an ngen a; Myanmar ramin democracy kawng an zawh theih nan kawng hrang hranga ṭanpui turin an ngen a ni.

Myanmar state counsellor Aung San Suu Kyi, president U Win Myint leh sipaiin an mante chhuah an nih theih nan a ṭul anga hma la tur te, Myanmar mi, India rama awmte humhim tur leh a ṭul apianga pui tur te, India rama ráltlan rawn lutte thawn lêt lo tur te, Myanmar-in buaina a tawh mek leh a kaihhnawihte chinfel a nih theih nan pên chhuak tur leh a ṭul anga inrawlh turtein an ngen bawk.