Nau chunga nu thihna sawiho

Aizawl DC Dr Lalhriatzuali Ralte kaihhruaiin nimin khan CMO, Aizawl East district chuan DC conference hall-ah Maternal Death Review Meeting an nei a; district hrang hranga blood storage centre (blood bank) tihhmasawn a, a taka hman lohte hman theih tura hmalak an rêl.

Ṭhutkhawmah hian nau chunga nu thihna (maternal death) chungchanga hmalak dan tur sawiho a ni a; Aizawl East district chhunga maternal death neihna damdawi-in - Ebenezer Hospital, Aizawl Hospital leh Civil Hospital-ah facility pek rélin, a bikin ICU tihchangtlun a, nau pâi lai leh nau neih hnua chaw ṭha (nutrition) ngai pawimawh tura inzirtirna uar zawk a neih ni se, an ti.