MHIP branch koh theih dan

MHIP Gen.Hqrs chuan, MHIP dan tênau (by-law) siam a ni tih tarlangin, "MHIP Gen. Hqrs hriatpuina leh phalna lo chuan mimal leh pawl engmahin MHIP branch hi an duh duhin an ko thei lo ang. MHIP branch koh khawm mamawhna nei an awm a nih chuan MHIP Gen.Hqrs-ah phalna an la tur a ni. Hei hi pawisa lo an awm chuan a ṭul angin MHIP Gen.Hqrs-in action a la thei ang," an ti.

MHIP thuchhuah chuan, MHIP dan bu angin Gen.Hqrs Executive Committee chu general assembly/special assembly inkara MHIP-a thuneitu sang ber a ni tih sawiin, a ṭul angin dan tênau (by-law) a siam thei tih an sawi a; dan tênau (by-law) chu siam a nih thu sawiin, hman nghal tur a nih avangin department hrang hrangah hriattirna pek a nih tawh thu leh department tinte'n an zawmsak avanga an lawm thu an tarlang a ni.