PMEGP loan pek dan thlirho

Mamit District Task Force Committee on PMEGP chu nimin khan bawrhsap Dr Lalrozama hoin an ṭhu a, kum 2020-21 chhunga PMEGP loan pek dan an thlirho. Financial year kal mek chhungin mi 83 loan pek tura ruahmanah mi 39 hnenah pek a ni tawh a, Rs. 50,18,000 pek a ni.

PMEGP hi khawpui leh thingtlanga chengte'n thil siam hmanga eizawnna bul an ṭan theihna tura duan a ni a, thil siamna lam (manufacturing sector)-ah Rs. 25,00,000 aia tam lo leh sumdawnna leh mipui rawngbawlna lam (service sector)-ah Rs. 10,00,000 aia tam lo loan pek theih a ni. India hmarchhaka awmte tan sorkar ṭanpuina 35% dawn theih a ni bawk.