Sanctuary/park atan sorkar laipuiin Kum 2020-21 atan nuai 754 a pe

Environment, Forest & Climate Change (EFCC) minister TJ Lal­nuntluanga chuan Assembly session kal mekah MNF member Dr Vanlalṭanpuia zawhna ziaka chhángin, Mizorama wildlife sanctuary leh park enkawlna atan sorkar laipuiin kum 2020-21 atan cheng nuai 754.019 a pe (sanction) tih a tarlang.

TJ Lalnuntluanga tarlan danin, sorkar laipui hian cheng nuai 754.019 a pek aṭangin nuai 339.30 a pe chhuak (release) tawh. Sum pek tamna ber chu Thorangtlang Wildlife Sanctuary atan niin, nuai 109.42 pek a ni a; sanction tlemna ber Phawngpui National Park atan nuai 53.78 pek a ni.

Hetih lai hian, Dampa Tiger Reserve atan cheng nuai 241.84 pek a ni a, chuta ṭang chuan sorkar laipuiin cheng nuai 161.53 a rawn pe chhuak tawh a ni.