Restaurant enkawlna tur pass

March 4, Nilainia Assembly budget session-ah Tourism minister Robert Romawia Royte put luh bill - hotel, restaurant leh a kaihhnawih dangte enkawlna tur dan 'The Mizoram (Registration of Tourist Trade) Bill, 2020' pass a ni.

The Mizoram (Registration of Tourist Trade) Bill, 2020 hi a taka hman a nih chuan tourist area-a puan bik leh tourism article bika puana sumdawng te, Mizoram chhunga hotel leh restaurant zawng zawngte leh tour operator leh tour guide-te chu sorkarah an inziah luh vek a ngai dawn.

Inziak lutte chu certificate pek an ni ang a, an sumdawnna hmun ualau laiah an tár tur a ni a, tár remchang lo chuan an keng tur a ni. Chutianga ti lote chu Rs. 50,000 chawitir thlenga hrem theih a ni dawn. Dan hnuaia inziak lutte chu standard chi hrang hrang - service & hospitality bakah faina kawngahte zawm tur siamsak a ni dawn a; chu'ngte chu an zawm loh chuan hrem theih an ni dawn.