AB-PMJAY review meeting neih a ni

Ayushman Bharat –Pradhan Mantri Jan Aarogya Yojana (AB-PMJAY) hnuaia hma­lakna hrang hrang thlir letna, 1st. state level review meeting chu May 3, 2019 khan neih a ni a, Health principal director Dr F Lallianhlira'n kaihruaiin, Health secretary H Laleng­mawia'n a hmanpui.

Review meeting-ah hian Mizorama district hrang hrang aṭangin medi­cal superintendent, chief medical officer, senior medical officer leh medical officer-te an tel a; AB-PMJAY chungchanga hmalaknate chipchiar takin an sawiho a, Mizoram State Health Care Society chief excecutive officer Dr Biakthansangi'n AB-PMJAY kalphung leh a kal zel dan tur a sawifiah.

Meeting-ah hian AB-PMJAY-a insurance company an thawhpui Bajaj Allianz General Insurance hotute pawh an tel a; anni nen hian RSBY chungchang te, damdawi-in ṭhenkhata bill tihkhawtlai la awmte chinfel thuai theih dan turte an sawiho a ni.

AB-PMJAY hi kum khata chhungkaw pakhat tana Rs. 5,00,000 thlenga damdawi-ina inenkawl senso hmuh let theihna scheme a ni a, September 23, 2018 khan Ministry of Health and Family Welfare-in an tlangzarh.