Pawngsualtu kum 12 táng turin hrem

Hmeichhe naupang pawng­sualtu Zohmingthanga s/o Raltawna, Khawzawl Vengthar chu Champhai District Special Court-a judge R Vanlalena chuan kum 12 chhung jail-a táng tur leh Rs. 5,000 chawi turin a hrem.

Pawngsual chungchangah hian Champhai Child Welfare Committee Chairman-in Fe­­b­ruary 10, 2017 khan Khaw­zawl Police Station-ah FIR a thehlut a, Zohmingthanga'n hmeichhe naupang kumtlinglo a pawngsual thu tarlan a ni. Khawzawl police-te'n Zohming­thanga chu an man a, hmeichhe naupang pawh Champhai District Hospital-ah endik a ni.

Special Court chuan police-te thil chhui chhuah te, thuhretute thusawi leh pawngsual tâwka puh thusawite a zir chian hnuah, Zohmingthanga chu thiam loh chantirin, kum 12 chhung táng tur leh Rs. 5,000 chawi turin a hrem ta a ni. Pawngsual tawktuin zángnadawmna a dawn theih nan hma la turin Court chuan Champhai District Legal Service Authority a hriattir nghal.