KHAWTHLIR

Press Information Bureau leh Mizoram University chuan 'International Women’s Day, 2020' pualin nimin khan MZU-ah round table programme an buatsaih a; Indian Institute of Mass Communication (IIMC) regional director LR Sailo-in kaihruaiin, MZU vice chancellor Prof. KRS Sambasiva Rao khuallian a ni. MZU aṭangin Prof. Lalrindiki T Fanai leh Prof. Zoengpari bakah, Dr C Lalmuansangkimi, IIMC ten 'Empowerment of Women' tih thupui an sawi.

Vairengte Multipurpose Hall thar chu nimin khan bialtu MLA Lalrinsanga'n a hawng. Lalrinsanga Ralte chuan, chief minister Zoramthanga kaihhruai sorkarin thingtlang tihhmasawnna turin theihtawpin hma an la nia sawiin, "Thingtlang leh khawpui hmasawnna inthlau nasa ṭhin chu rual­khai zawka a kal theih nan ruahmanna tam tak kalpui a ni," a ti.

PMGSY hnuaia Khawzawl leh Ngaizawl inkar kawng blacktop mek chu March 4, Nilaini khan PWD hotute, contractor leh Ngaizawl khawtlang hruaitute'n an tlawh a, contractor-in hna a thawh theihna turin kawngpuiah hian sumdawnna bungraw phur lirthei tlan khap rih a ni.

Chapchar Kût hman mek chhim tura lo kal Association of Southeast Asian Nations (ASEAN) ram pariat aṭanga an ambassador leh high commissioner-te chuan nimin tlai khan chief minister Zoramthanga chu a chenna banglaah an kawm.

Nimin khan SCERT Auditorium-ah 'International seminar on Hrawva and Lalmama' buatsaih a ni a, Higher & Technical Education minister Dr R Lalthangliana'n a hmanpui. He hunah hian thu leh hla lama mi hmasa Hrawva leh Lalmama te kut chhuakte zirho a ni.