Assembly Dy. Speaker-in hmanpui

Presbyterian English School, Chhingchhip chuan nimin khan an sikul tualah Graduation Day leh Middle School Zonal Sports-a an chak lawmna hun an hmang a, bialtu MLA Lalrinawma, Assembly deputy spea­ker-in a hmanpui.

Lalrinawma chuan, nu leh pate ngaihhlut záwng chu an fate-ah a lang zel dawn tih sawiin, "Ṭawng aiin thil tihin thu a sawi ring zawk tih hi kan hriat reng a pawimawh. Mihring hi kan ngaihtuahna azirin thil thui tak min thlentir thei a, he laia lehkha kan zirna hian hmun dang kan zir zelna turah chona min siam se, hnungtawlh mai loa ni tin infuih thar zel turin ka chah che u a ni," a ti. Inkhawmah hian School Board chairman Rev. J Lalbiaknia'n hunserh a hmang a, sikul principal H Lallianmawii'n report a pe a ni.