Chanchin Ṭha Thlen Ni

Nimin March 15 kha Mizoram Presbyterian Kohhranin Chanchin Ṭha Thlen Nia an puan a ni a, hripui léng avangin kum dang angin hman theih ni lo mah se, Mizoram Synod chuan thupui zir tur a siam a, 'Thil siam zawng zawng hnena Chanchin ṭha hril' tih leh "Chanchin ṭha thlentute hlutzia' tihte a ni.

Mizorama Chanchin Ṭha thlen ní, March 15 hi Mizorama chanchin ṭha puangtu hmasa ber Rev. William Williams, Khasi rama Welsh missionary-in kum 1891-a Tlawng luia Kutbûl lui chhuah a thlen champha a ni a; Mizoram hmun ṭhenkhatah Pathian thu a sawi a ni.