INC candidate turin thlasik thlai chîngte manganna a sawi lang

Serchhip bial MLA by-election neih tura INC candidate tur PC Lal­tlansanga chuan nimin khan Serchhip Hmar­veng YMA Hall-a inhmuhkhawmnaah thu sawiin, thlasik thlai chîngte manganna sorkarin a ngaih­tuah a ngaih thu a sawi. 

PC Laltlansanga chuan, Mat phai leh zau hrang hranga thlasik thlai, sum chang thei chíngtute mangang takin an awm mek nia sawiin, "Nikum khan Covid avangin phai aṭangin chawhmeh a rawn lut tam thei lo a, Serchhipa kut hnathawktute'n an thlaite ṭha takin an hralh tlangpui. Tunah chuan bawkbàwn kg. khat Rs. 3-tein khârchhawngte'n an la a, zikhlum pawh a tlawm hle. Thlai thar hralh tura seng khawm dawnin hlawhfa lakna tur hralh chhuah a huphurhawm ta hle a ni," a ti.