Ni 100 inhlawhna pek theih beisei

AH&Vety Polyclinic conference hall-ah nimin khan Veterinary Diploma Holders Association (VDHA)-in conference vawi 24-na an hmang a, Rural Development minister Lalruatkima'n a hmanpui. Minister chuan, kumin January thla chanve thleng ni za inhlawhna pek theih beisei a nih thu a sawi.

Lalruatkima chuan, ''Mipuite'n eizawnna ngêlnghet an neih theih nan sorkarin kawng hrang hrangin ṭan a la a, SEDP kaltlanga hmalak ṭan mek a ni," a ti a, MGNREGA hnuai­ah Mizoram sorkar chuan wage component-ah cheng vbc 455.18 leh material component-ah cheng vbc. 51 dawn a nih bakah, tun hnaiah cheng vbc. 30 dawn belh a nih thu a sawi a ni.