BJP candidate tur Lalhriatrenga Chhangte
Serchhip biala Assembly by-election neih turah Lalhriatrenga Chhangte chu BJP candidate a ni dawn. BJP Mizoram president Vanlalhmuaka chuan, an candidate tur official-a puanna hun chu central BJP kaihhruaiin neih a nih dawn thu a sawi.
Nimina BJP pisaa inkhawmah Lalhriatrenga Chhangte chuan, Serchhip by-election atana BJP hruaitute'n an sàwmna chu Pathian hruaina leh kohna a nih ngei a rin thu sawiin, "Serchhip bial mipui tan hnathawh kawr ha turin ka inpe a. Serchhip khuaa piang leh sei lian ka nih avangin a chhung aṭanga bial hmasawnna thawk tur leh central chakna hmang ṭangkai thei tur ka nih dawn avangin ka lawm hle. Dâwt hmang ringawta thu tiamtute kalsana min vote theih ka beisei a ni," a ti.