SRH-ah damlo dang admit theih

State Referral Hospital chu nimin khan Covid-19 vei ni lo, damlo dangte pawh enkawl leh theih tawh tura hawn a ni a, inentirnate pawh hawn ṭan a ni. 

SRH-ZMC Bulletin tarlan danin, inentir turte chu OPD card lâkna kawta Triaging Centre-ah inenfiahtir hmasak zel tur a ni a, damlo dah luh (admit) tur leh awmpuitu turte chu anmahni insensoin RAT hmangin swab sample endiktir hmasa zel tura chah an ni. Hetih lai hian, SRH-a damlo awm chu tlawh/kan phal a ni lo.