Oil pawlh dal chîng ûmbo tum

Central YMA Executive Committee chuan thuchhuah siamin, petrol leh diesel pawlh dal chíngte leh dik lo taka hlâwkna ûmtute man chhuah an nih theih nan Central YMA-in ṭan lak zel a tum tih a tarlang a, CYMA hmalaknaa thawk chhuak ve thei tur YMA branch an awm chuan, CYMA-ah inhriattir turin a chah.

CYMA thuchhuah chuan, mipuite'n buhfai leh gas bûk tling an lak theihna tura YMA branch hrang hrangte hmalak tawhnaah lawmthu a sawi a, "Nasa leh zuala ṭan la thar a, mipuite'n kan chanvo dik tak kan dawn theih nana hma la thar ṭheuh turin YMA branch hrang hrangte a ngen nawn leh a ni," a ti.

Central YMA chuan, lirtheia high security number plate vuah chu security thilah awmzia a nei loa an hriat thu leh sorkarin titawp mai se ṭha an tih thu a tarlang a; hnam dang ILP nei lote a ṭul anga dap chhuak tura inring lâwk turin YMA branch hrang hrangte beisei an nih thu a tarlang bawk.