Bank-te'n lungawi lohna an lantir

United Forum of Bank Unions (UFBU) chuan Thawhṭanni leh nimin khan India ram pumah lungawi lohna an lantir a, Mizorama bank-te pawhin zawm vein, lungawi lohna an lantir.

Kumin February thla khan Union Finance minister Nirmala Sitharaman chuan public sector bank zinga pahnih chu mimal kuta hlan (privatise) a ni dawn tih a puang a; chu chu duh loin UFBU chuan ni hnih chhung India ram pumah lungawi lohna an lantir a ni.

Lungawi loh lantirna hi Mizorama bank hrang hrangte pawhin an zawm a, bank eng emaw zatah chuan thawktute bank tualah an lungawi lohna chungchangah an au rual.

UFBU-ah hian All India Bank Employees Association, All India Bank Officers' Confederation, National Confederation of Bank Employees, All India Bank Officers' Association leh Bank Employees Confederation of India-te an tel a ni.