MHIP inthlang dawn lo
MHIP General Headquarters chuan, kumin April thlaah General Assembly neih an tum chungchangah sorkar hotute an dâwr a, sorkar hotute chuan Covid-19 avangin mipui punkhawmna lian huaihawt lo tura an lo tih thu an tarlang a; hei vang hian General Assembly leh hruaitu thlanna neih theih a ni dawn lo tih an puang.
MHIP Gen.Hqrs hruaitu ni mekte chu term tharah pawh hruaitu ni zui zel tura tih an ni a; nikuma MHIP sub-headquarters leh block conference-a inthlang turte pawh Covid-19 leng avangin an inthlang thei lo a, hruaitu ding laite chu term tharah hruaitu ni chhunzawm zel tura tih an lo nih tawh thu an tarlang bawk.