Mizoramin Turial HEP kawlphetha A leina man zat tur bithliah a la ni lo
December 16, 2017-a prime minister Narendra Modi-a'n a hawn tawh Tuirial Hydro Electric Power Project aṭanga kawlphetha siam chhuah Mizoramin a leina man tur zat bithliah a la ni lo.
Power & Electricity department hotute hnen aṭanga Vanglaini thu dawn danin, Tuirial HEP-in kawlphetha a siam chhuah zinga 12% (megawatt 7.2) chu Mizoramin a thlâwnin a chang a, 1% chu a chhehvel khuate tihhmasawn nan hman a ni. A bak zawng chu Mizoram sorkarin a lei ṭhin.
Mizoramin Tuirial HEP aṭanga kawlphetha a leina man tur zat tihfel a la ni lo a; kawlphetha man bithliah theitu Central Electricity Regulatory Commission (CERC) chuan Mizoram sorkarin NEEPCO hnen aṭanga power a leina tur a ngaihtuah mek. Mizoram sorkar leh NEEPCO chu kawlphetha leina man atan unit khat Rs. 5.18 ni turin an inrem tawh. Mahse, Tuirial HEP chu sorkar laipui hnuaia awm a nih avangin Tuirial HEP aṭanga kawlphetha hralhna man bituktu tur chu CERC a ni. Mizoram sorkar leh NEEPCO-in kawlphetha leina man tura an inremna unit khat Rs. 5.18 chu CERC-in a bituk hmaa lo hman lailâwk tur a ni.
NEEPCO hian Tuirial HEP siamna atan a tira senso an ruahman aia tam an sên avangin kawlphetha man an chhiar to hle a, a tìrah chuan unit khat Rs. 10.56-a lei turin an ti a ni. Mahse, Mizoram sorkar nen an inbiak hnuah an tlahniam telh telh a, unit khat Rs. 8 leh Rs. 6-ahte tlahniam lehin, inbiakna hnuhnung berah chuan unit khat Rs. 5.18-a lei turin an inrem. Hetih lai hian, kawlphetha siam chhuah tam dan azirin kawlphetha leina man a tlâwm a, unit khat Rs. 5.18 aia tlâwma lei chángte pawh a awm.
Kawlphetha man an chhiar tlâwm zawk theihna tur a nih beiseiin Mizoram sorkar chuan NEEPCO hotute chu an ruahman aia an senso a tamna phuhrûkna atan sorkar laipuia Ministry of Power-ah additional allocation dil turin thurâwn a pe. NEEPCO chuan additional allocation an dil a, Mizoram sorkarin an nawrpui bawk. Ministry of Power chuan DoNER-a dil turin thurâwn a pe a, DoNER-in cheng vbc. 133.9 a pe ta a ni.
December 16, 2017-a prime minister Narendra Modi-a'n a hawn tawh Tuirial Hydro Electric Power Project aṭanga kawlphetha siam chhuah Mizoramin a leina man tur zat bithliah a la ni lo. Power & Electricity department hotute hnen aṭanga Vanglaini thu dawn danin, Tuirial HEP-in kawlphetha a siam chhuah zinga 12% (megawatt 7.2) chu Mizoramin a thlâwnin a chang a, 1% chu a chhehvel khuate tihhmasawn nan hman a ni. A bak zawng chu Mizoram sorkarin a lei ṭhin.
Mizoramin Tuirial HEP aṭanga kawlphetha a leina man tur zat tihfel a la ni lo a; kawlphetha man bithliah theitu Central Electricity Regulatory Commission (CERC) chuan Mizoram sorkarin NEEPCO hnen aṭanga power a leina tur a ngaihtuah mek. Mizoram sorkar leh NEEPCO chu kawlphetha leina man atan unit khat Rs. 5.18 ni turin an inrem tawh. Mahse, Tuirial HEP chu sorkar laipui hnuaia awm a nih avangin Tuirial HEP aṭanga kawlphetha hralhna man bituktu tur chu CERC a ni. Mizoram sorkar leh NEEPCO-in kawlphetha leina man tura an inremna unit khat Rs. 5.18 chu CERC-in a bituk hmaa lo hman lailâwk tur a ni.
NEEPCO hian Tuirial HEP siamna atan a tira senso an ruahman aia tam an sên avangin kawlphetha man an chhiar to hle a, a tìrah chuan unit khat Rs. 10.56-a lei turin an ti a ni. Mahse, Mizoram sorkar nen an inbiak hnuah an tlahniam telh telh a, unit khat Rs. 8 leh Rs. 6-ahte tlahniam lehin, inbiakna hnuhnung berah chuan unit khat Rs. 5.18-a lei turin an inrem. Hetih lai hian, kawlphetha siam chhuah tam dan azirin kawlphetha leina man a tlâwm a, unit khat Rs. 5.18 aia tlâwma lei chángte pawh a awm.
Kawlphetha man an chhiar tlâwm zawk theihna tur a nih beiseiin Mizoram sorkar chuan NEEPCO hotute chu an ruahman aia an senso a tamna phuhrûkna atan sorkar laipuia Ministry of Power-ah additional allocation dil turin thurâwn a pe. NEEPCO chuan additional allocation an dil a, Mizoram sorkarin an nawrpui bawk. Ministry of Power chuan DoNER-a dil turin thurâwn a pe a, DoNER-in cheng vbc. 133.9 a pe ta a ni.