YMA-in fall armyworm an do dawn

Central YMA chuan thuchhuah siamin, Mizoram sorkarin an beisei angin vaimim ei chhetu pangang, fall armyworm do turin YMA branch-te chu an huam chhung ṭheuha hma la tura beisei an nih thu an tarlang.

CYMA-in fall armyworm bei tura branch YMA-te hmalakna atana a duh te chu - khaw tina vaimim chîn tamna zau hmun remchangah fall armyworm pangang thlahtu phengphehlep (moth) tihhlum nan meipui chheh te, a theih ang anga fall armyworm pangang tirêm tura hmalak te, district tina Rapid Response Team-te thawhpuite leh pangang puangin vaimim leh thlai dang a khawih pawi theih dan YMA kaltlanga puanzarte a ni.

Agriculture Minister chuan May 10, 2019 tlai khan Central YMA hruaitute a bangla-ah kawmin, fall armyworm do tura thawhpuiah a sawm a ni.