Pangangin a tihchhiatte enfiah

Nimin khan Champhai district agriculture officer (DAO) George Lalthanngura leh Champhai District MJA member-te chuan tunlaia fall armyworm-in Leisenzo leh Sesih khaw thlawhhmaa thlai a tihchhiat dan an enfiah.

Sorkar thuchhuah tarlan danin, Leisenzoa chhungkaw 150 chuang chuan Khuaitlang Zauah vaimîm leh thlai dang an chíng a, pangangin an thlaite a ei chhiatsak a ni. Agriculture department-a mithiamte'n pangang puang mek suat dan leh a pung zel tur dan lo neitute an zirtir a, a thlawnin pangang thahna hlo an pe a ni.

Champhai district-a khaw 17-ah chhungkaw 590-te thlawhhmá pangangin a ei chhiatsak a, pangang do beihpui thlak mek a ni. Fall armyworm beihpui thlakna kal mekah Champhai district-a Agriculture circle tina mawhphurtute chuan pangang chetna thlawhhma nei khuate riahchilhin, lo neitute an ṭanpui a ni.