Vanlalzawma'n chak inbeisei

April 17, 2021-a neih tur Serchhip bial MLA by-election-a MNF candidate tur Vanlalzawma chuan, inthlanah chak ngei a inbeisei thu a sawi.

Vanlalzawma hian nimina Neihloh leh Buarpui khua a tlawhnaah an party mite hmaah thu sawiin, "Serchhip bial by-election neih turah party mipui ṭan lâkna leh theihtawp chhuahna avangin MNF boruak a kâng chak a, Pathian leh mipui zarah chak ngei a beiseiawm," a ti.

Vanlalzawma chuan, MNF chu Mizo zawng zawng tana din a nih thu sawiin, "Kuminah kum 60 kan tling dawn a, Pathianin MNF a humhalh tlat a ni," a ti a, MNF-in hma an sawn zel thu a sawi.