KHAWTHLIR
Thisen pe
Lungleia JB College NSS unit chuan nimin khan thisen pek an huaihawt a, Lunglei Civil Hospital blood bank tan thisen unit 33 an pe a, a petute mipa 26 leh hmeichhia pasarih an ni.
Lungleia JB College NSS unit chuan nimin khan thisen pek an huaihawt a, Lunglei Civil Hospital blood bank tan thisen unit 33 an pe a, a petute mipa 26 leh hmeichhia pasarih an ni.
Kawng chhâwng
UDPA changtu deputy chief minister Tawnluia chuan ZPM member C Lalsawivunga zawhna ziaka chhángin, kawng chhâwng siamna tur Bawngkawn leh Vaivakawn junction atan TCIL aṭangin techno-feasibility nghah mek a nih thu a tarlang a, "A subject hi PWD-in an khawih chhunzawm a ni," a ti.
UDPA changtu deputy chief minister Tawnluia chuan ZPM member C Lalsawivunga zawhna ziaka chhángin, kawng chhâwng siamna tur Bawngkawn leh Vaivakawn junction atan TCIL aṭangin techno-feasibility nghah mek a nih thu a tarlang a, "A subject hi PWD-in an khawih chhunzawm a ni," a ti.
MNF LC
Congress party-in local council-a sorkarna an siamna Tuikual South-ah nimin aṭang khan MNF LC a piang. LC inthlan hnuhnung berah khan Congress-in sorkarna an siam a, mahse Congress LC member pakhatin MNF a zawm tak avangin MNF-in sorkarna an siam ta a ni.
Congress party-in local council-a sorkarna an siamna Tuikual South-ah nimin aṭang khan MNF LC a piang. LC inthlan hnuhnung berah khan Congress-in sorkarna an siam a, mahse Congress LC member pakhatin MNF a zawm tak avangin MNF-in sorkarna an siam ta a ni.
By-election ní PC-in sawn phût
Peoples' Conference (PC) party chuan thuchhuah siamin, Election Commission of India (ECI)-in Serchhip biala Assembly by-election neih hun atan Sabath ni serh Inrinni leh vote chhiar ní atan Mizorama Kristian tam zawkte ni serh Pathianni a ruat chu an duh loh thu an tarlang. ECI remruat dan chu Kristiante palzùtna leh thamlohna lian taka an ngaih thu sawiin, a rang thei ang bera siamṭha turin ECI an phût a ni.
Peoples' Conference (PC) party chuan thuchhuah siamin, Election Commission of India (ECI)-in Serchhip biala Assembly by-election neih hun atan Sabath ni serh Inrinni leh vote chhiar ní atan Mizorama Kristian tam zawkte ni serh Pathianni a ruat chu an duh loh thu an tarlang. ECI remruat dan chu Kristiante palzùtna leh thamlohna lian taka an ngaih thu sawiin, a rang thei ang bera siamṭha turin ECI an phût a ni.
Hrem phût
Indian Christian Women's Movement (ICWM) chuan thuchhuah siamin, Lalruatsanga, Tuikual South-in a nupui Vanlalhruaii (31) March 12, 2021-a a sawisa hlum chu rapthlak an tih thu an tarlang. "Mahni mihringpuite nunna laksak leh áwm ném zawkte chunga thihna thleng khawpa insawisak kan dem tak zet a ni," tiin, Lalruatsanga chu a phu tâwk hremna pe ngei turin thuneitute an phût a ni.
Indian Christian Women's Movement (ICWM) chuan thuchhuah siamin, Lalruatsanga, Tuikual South-in a nupui Vanlalhruaii (31) March 12, 2021-a a sawisa hlum chu rapthlak an tih thu an tarlang. "Mahni mihringpuite nunna laksak leh áwm ném zawkte chunga thihna thleng khawpa insawisak kan dem tak zet a ni," tiin, Lalruatsanga chu a phu tâwk hremna pe ngei turin thuneitute an phût a ni.
Kawng khàr dawn
Aizawl Traffic SP Rodingliana Chawngthu chuan, SIPMIU-in zanin aṭangin Vaivakawn Zohnuai péng leh Vaivakawn bazar péng inkarah pipe an phûm dawn avangin kawngpui khâr zauh zauh a ngaih dawn thu a tarlang. Pipe phûm hna hi zan dar 9 aṭanga zing dar 5 thleng thawh ṭhin tur a ni a, hna tibuai thei tura kawngpui sira lirthei leh bungraw dah phal a ni lo tih a tarlang bawk.
Aizawl Traffic SP Rodingliana Chawngthu chuan, SIPMIU-in zanin aṭangin Vaivakawn Zohnuai péng leh Vaivakawn bazar péng inkarah pipe an phûm dawn avangin kawngpui khâr zauh zauh a ngaih dawn thu a tarlang. Pipe phûm hna hi zan dar 9 aṭanga zing dar 5 thleng thawh ṭhin tur a ni a, hna tibuai thei tura kawngpui sira lirthei leh bungraw dah phal a ni lo tih a tarlang bawk.
Heroin man
Excise & Narcotics department leh Assam Rifles-te chuan March 16, Thawhlehni khan Ṭhuampui, Aizawlah heroin gram 48 leh a neitua puh an man. Heroin an man hi tualchhunga hralhna ang chuan Rs. 21,60,000 vel man a ni.
Excise & Narcotics department leh Assam Rifles-te chuan March 16, Thawhlehni khan Ṭhuampui, Aizawlah heroin gram 48 leh a neitua puh an man. Heroin an man hi tualchhunga hralhna ang chuan Rs. 21,60,000 vel man a ni.