Contract hralh chhâwn tihtawp dan kan zawng ang - Chief Minister

Nimina Assembly session-ah PWD changtu chief minister Zoram­thanga chuan ZPM member C Lalsawivunga zawhna chhangin, contract hralh chhâwn tihtawp dan kawng sorkarin a zawn tur thu House a hrilh.

C Lalsawivunga chuan, PMGSY-a hnate contractor ni loin an thawh thu leh contract hralh chhâwn a tam avangin hnathawh ṭhat ngaihna a awm loh thu sawi ṭhin a ni tih a sawi a, "Hei hi a dik a nih chuan sorkarin hmalak a tum em?" tiin a zawt.

Chief Minister chuan, PMGSY hna chu contractor-te ngei an pek thu sawiin, "Inhlawhfa an chhawr chhâwn leh chuan thuhran. Sorkar chuan contractor-te tender an chhan ang ngeiin a pe ṭhin," a ti.

Contract hralh chung­changah Zoramthanga chuan, "Contract hralh chhâwn hi sorkarin ṭha a ti lo. Hlêp an duh vek a, hna a ṭha thei lo," a ti a; contract hralh chhawn tihbo a nih theih dan theihtawpa an zawn tur thu a sawi a ni.