GAWSS Phase-II tihchangtlun a ngai - ZPM Ṭhalai
ZPM Ṭhalai chuan, Greater Aizawl Water Supply Scheme (GAWSS) Phase-II chu tuia Aizawl khawpui châwmtu ber a nih avangin tihchangtlun a ngai hlea an hriat thu an tarlang.
Tun hnaiah Aizawlah tui harsatna namenlo a thlen avangin ZPM ṭhalaite chuan March 16, Thawhlehni khan GAWSS Phase-II tui lâkna, Tlawng lui an tlawh a; Aizawl khawpuiin tui hnianghnâr zawk a neih theihna turin rawtna an neihte thuchhuah siamin an tarlang a ni.
ZPM Ṭhalai rawtnate
1. PHE staff-te Pathianni bakah holiday dang, Krismas, kumthar, Good Friday leh ni pawimawh dangahte châwl loa chhun zan zawma duty ṭhin an nih avangin kum khatah thla 13 hlawh lâk an phù a, thla 13 hlawh an lak theih nan hma la turin sorkar an phût.
2. GAWSS Phase I-in Aizawl a châwm hneh loh avang leh Phase-III hman theih a la nih loh avangin Phase-II a rim hle. Khawl a chhiat palh chuan Aizawl khawpuiin tuiah harsatna namenlo a tâwk dawn. Phase-II khawl a chhiat thut pawha thlak a, siam zung zung a nih theih nan khawl spare part chikim kawl reng a ngai. Khawl part chikim chhawp reng a nih theih nan hma la turin sorkar an ngèn.
3. Phase II-in kawlphetha hnianghnâr takin a mamawh a, electric motor a chhiat thut pawha electric motor tluka chak diesel motor chak zawk ngaituah turin sorkar an ngèn.
4. GAWSS Phase-III mamawhna a sang tawh hle a, tun aia chak zawka hna thawh a nih theih nan hma la turin sorkar an phût.
1. PHE staff-te Pathianni bakah holiday dang, Krismas, kumthar, Good Friday leh ni pawimawh dangahte châwl loa chhun zan zawma duty ṭhin an nih avangin kum khatah thla 13 hlawh lâk an phù a, thla 13 hlawh an lak theih nan hma la turin sorkar an phût.
2. GAWSS Phase I-in Aizawl a châwm hneh loh avang leh Phase-III hman theih a la nih loh avangin Phase-II a rim hle. Khawl a chhiat palh chuan Aizawl khawpuiin tuiah harsatna namenlo a tâwk dawn. Phase-II khawl a chhiat thut pawha thlak a, siam zung zung a nih theih nan khawl spare part chikim kawl reng a ngai. Khawl part chikim chhawp reng a nih theih nan hma la turin sorkar an ngèn.
3. Phase II-in kawlphetha hnianghnâr takin a mamawh a, electric motor a chhiat thut pawha electric motor tluka chak diesel motor chak zawk ngaituah turin sorkar an ngèn.
4. GAWSS Phase-III mamawhna a sang tawh hle a, tun aia chak zawka hna thawh a nih theih nan hma la turin sorkar an phût.