Mizo thuam inbel tura ngenna bawhzui
YMA Sub-Headquarters, Serchhip Kumpuan Committee hruaitute chuan, Serchhip khawpuia sorkar pisa leh zirna-ina thawkte chawlhkar tin Nilaini apianga Mizo hnam thuam inbel tura an ngenna a hlawhtlin dan nimin khan an enfiah a, pisa hrang hrangah an kal kual.
Serchhip Sub-Hqrs. YMA Kumpuan Committee chuan February 2019 khan Serchhipa sorkar pisa leh zirna-in hrang hrangte chu Mizo inthuamna tilang thei thawmhnaw inbel uar turin an ngen a, Nilaini apiang chu Mizo inthuam inbel ní atan an thlang a ni. An ngenna chu Serchhip DC hnenah pawh an thlen a, Bawrhsap chuan circular tichhuakin, YMA ngenna angin Nilaini apianga Mizo hnam thuam inbel turin sorkar hnathawkte a ngen a ni.
Serchhip YMA hruaitute'n an ngenna a hlawhtlin dan nimina an enfiahnaah hian YMA hruaitute chu hlawm pali-ah an inṭhen a, Serchhipa sorkar pisa leh zirna-inte an tlawh kual a ni. An ngenna chu zâwm ṭha an awm laiin, zâwm lem lo pawh an awm thu an tarlang.
Serchhip YMA chuan, sorkar hnathawkte chu an hnathawhna hmunah Nilaini apianga Mizo thuam inbel turin an ngen nawn leh a ni.
Serchhip YMA chuan, sorkar hnathawkte chu an hnathawhna hmunah Nilaini apianga Mizo thuam inbel turin an ngen nawn leh a ni.