ZPM-a inchhûn fin thuai an duh

Nimina Zoram Na­tionalists Party (ZNP) National Council meeting, ZNP Gen. Hqrs. pisaa neih chuan resolution pass in, Zoram Peoples' Movement (ZPM)-a tel pawl hrang hrangte chu party pakhata inchhûn fin thuai an duh thu tarlang.

ZNP resolution chuan, ZPM-a tel party leh pawl hrang hrangte a rang thei ang bera party pakhata inchhûn fin ṭha an tih thu ZNP National Council meeting December 14, 2017-a neihin a pass tawh tih a tarlang a, "Vawiin May 15, 2019-a ZNP National Council meeting chuan ngun takin a ngaihtuah nawn leh a, ZPM-a tel pawl dangte hian lungrual tak leh hun khawhral zui tawh loa a rang thei ang bera party khata inchhûn fin an rel tlu ve thei a nih chuan, ZNP chu a dinna ngaiah a la ding reng a ni," an ti.