Zokhawsanga Assam Rifles Insawn hun tur a la hriat loh
Nimin khan chief secretary Lalnunmawia Chuaungo hoin Aizawl khawpui lai lia Assam Rifles awmte Zokhawsanga an insawn hun tur sawiho a ni a; hna thawktu Engineering Projects India Ltd. (EPIL)-in an thawh tur ang an la thawh zawh loh avangin AR-te insawn hun tur hriat a la ni lo.
Vanglaini thu dawn danin, meeting-ah hian Assam Rifles lam chuan Zokhawsanga insawn turin an inpeih tawh thu an sawi a; Mizoram sorkar aiawhte pawhin sorkar tih tur chin ang chu tih zawh a nih tawh thu an sawi. Construction work thawktu EPIL lamin an tih tur an la ti zo lo a, chuvang chuan Assam Rifles-te insawn chhuah theih hun tur bituk theih a la ni lo. EPIL hnathawh dan chu Home department hotute nen May 24, 2019-ah an enfiah ang.
Tarlan tawh angin, Ministry of Home Affairs chuan Assam Rifles-te chu May 31, 2019 ral hmaa Zokhawsanga insawn turin a hriattir tawh a ni.