Hmar Martyrs' Day hman a ni

Nimin khan Mizoram hmun hrang hrangah Hmar Martyrs' Day vawi 29-na hman a ni. Aizawlah chuan Hmar Inpui, Mizoram Region leh Sinlung Hills Council (SHC) bultumin Ramhlun Indoor Satdium-ah an hmang a, Legis-lative Assembly speaker Lalrinliana Sailo-in 
a hmanpui.

Lalrinliana Sailo chuan, chief minister Zoramthanga kaihruai MNF sorkarin Zo hnahthlak inpumkhatna a ngai pawimawh hle tih sawiin "Engtikah emaw chuan Zo hnahthlakte hi rorelna pakhat hnuaiah kan la awm ngei ka beisei. Zirlai pawla ka inhman lai aṭang tawhin Zo hnahthlakte inpumkhatna atan theihtawp ka chhuah ve ṭhin. Tumah inen hrang tur kan awm lo a, unau vek kan ni," a ti.

SHC hmasawna atan sorkarin theihtawp a chhuah thu sawiin, "Phai lam awlsam taka pawh a nih theihna atan New Vervek-Mauchar kawng siam tum mek a ni," a ti a; zirna lamah pawh SHC area chu tih hmasawn mek a nih thu a sawi. Hmar Martyrs' Day hmanaah hian martar zahna entirna atan minute khat chhung silent prayer neih a ni. Hmar Martyrs' Day hi kum 1991 aṭanga hman ṭan a ni a, Hmar hnam tana nunna chánte hriatreng nan leh zahna lantirna atan an hmang ṭhin.