Recognition hmuh vangin MSP lawm

Mizoram School of Photography (MSP) chuan thuchhuah siamin, MSP chu National Academy of Photography (NAP), Kolkata-in tun hnai khan a pawmpui (recognition a pe) tih an tarlang a, lawmawm an tih thu an sawi.

MSP chuan, NAP-in MSP recognition a pek chhan chu - MSP-in Mizoram tana thlalak (photography) tihhmasawnna tur leh tihchakna tura thâ leh zung an senna te, zirlaite hmasawnna leh thlalak khawvela hma an sawnna te, an chet velnate chu pawm tlaka a ngaih vang a nih thu an tarlang a, "NAP, Kolkata chuan MSP hi photography zirna tlak a nihzia entir nan April 28, 2019 khan recognition min pe a, kan lawm hle. NAP leh MSP-te hi hriatna, zirtirna leh kaihhruaina kawngah hrui khat vuanin kan kal zel dawn a ni," a ti.

MSP tarlan danin, NAP hi India rama thlalak lam zirna (photography institution) ṭha top ten zinga lang pha a ni a, NAP aṭangin mi tam takin course hrang hrang an zir chhuak tawh. MSP chu Malsawmtluanga, Tuikhuahtlangin kum 2017-ah Sikulpuikawnah a din a, tunah hian Upper Republic-ah kalpui mek a ni. MSP hi Mizorama photiography school hmasa ber a ni a, mi 60 chuangin an zir chhuak tawh a ni.