Mizo nu hriat hlawh Zokhumi thattu hriat a ni lo Court thutlukna High Court-ah khin a ni dawn
Zokhumi (83) w/o J Lalsangzuala (L), Mission Veng, December 18, 2014-a thattua puh Lalrempuia s/o Zothantluanga (L), Kulikawn, Aizawl chu Aizawl District Sessions Court-in thiam chantirin, a chhuah zalen a; Kristian Ṭhalai Pawl (KṬP) dintute zinga mi Zokhumi thattu hriat theih a ni ta rih lo. Sessions Court thutlukna hi Mizoram sorkar chuan High Court-ah a khing lêt (appeal) dawn.
Sessions Court thutlukna High Court-a appeal a nih dawn leh dawn loh zawhna chhangin Home department hotute chuan, appeal tum a nih thu an sawi. Lalrempuia tualthata puh thubuaia Court thutluknaah sorkar a lungawi lo a, Chief Secretary hoin Home department hmalak zui dan tur an sawiho tawh a, Court sang zawka ngaihtuah tura thlen ngei rêl a nih thu Vanglaini palai an hrilh.
Home department hotute chuan, court thutlukna court sang zawka appeal turin court order chhuah aṭanga ni 90 ral hmaa appeal a ngaih avangin muangchân chi a nih tawh loh thu leh, High Court-ah appeal-na thehluh thuai a nih tur thu an sawi bawk. Lalrempuia thubuaiah hian Sessions Court chuan March 25, 2019-ah judgement a tichhuak a, May 18 aṭanga chhûtin ni 35 vel hun a la awma ngaih a ni.
Case history
Mizoram sorkara minister hlui J Lalsangzuala nupui Zokhumi (83), Mission Veng hi December 18, 2014 zing dar 9:30 velah an ina a khumah thia hmuh a ni a, chemtea vih hlum nia hriat a ni. Zokhumi mut pindana almirah chu nasa taka hâi darh a ni a, Rs. 64,000 vel a bo.
Mizoram sorkara minister hlui J Lalsangzuala nupui Zokhumi (83), Mission Veng hi December 18, 2014 zing dar 9:30 velah an ina a khumah thia hmuh a ni a, chemtea vih hlum nia hriat a ni. Zokhumi mut pindana almirah chu nasa taka hâi darh a ni a, Rs. 64,000 vel a bo.
Zokhumi tualthih thu-ah hian a tunu leh a chenpui Lalrinthari d/o Zosangpuii (L) chuan December 18, 2014 zing dar 9:30-ah Kulikawn Police Station-ah FIR a thehlut nghal a; police-te chuan IPC Section 302 (tualthah) leh 380 (rûkrûk) hmangin thubuai an ziak lut (case no. 195/2014). Police-te chuan an chhui zui nghal a, an chhuina report (chargesheet) chu March 18, 2015-ah Court-ah an thehlut a, April 29, 2015-ah supplementary chargesheet an thehlut bawk.
Zokhumi thattua puh Lalrempuia (kum 36, tunah kum 41), Kulikawn chu police-in December 19, 2014-ah thu zawhfiah atan police station-ah an ko a, thu zawtfiahin, a kut zia (finger print) pawh an la. Lalrempuia chu zan khat PS-a a riah hnuah PR bond hmangin chhuahtir a ni.
December 21, 2014 tlai dar 5:40-ah police-in an man leh a, December 24, 2014 zanlai pelh hnuah a inpuang. Lalrempuia chu police-te'n December 25, Krismas ni zing khawvar hmain Magistrate hmaah an hruai a, Magistrate phalnain Central Jail-ah dah luh nghal a ni. Police hmaa Lalrempuia inpuan lai hian thuhretu-ah Mission Venga khawtlang hruaitute zing aṭangin mi pahnih an awm ve a, a thusawi lai chu video-in lak a ni.
Court order-a a lan danin, Lalrempuia hi Zokhumi pasal, J Lalsangzuala ú, Rotluanga tupa (a fanu fapa) a ni a; April 8, 1994-ah tleirawl kum 17 mi a lo vit hlum tawh a ni.
Judgement Order
Court thutlukna (judgement order)-a ziah lan a nih danin, Lalrempuia chu December 25, 2014 zanah police hmaah a inpuang a, Zokhumi chu a thah a nih thu a sawi. Police hmaa Lalrempuia inpuan dan chuan, December 17, 2014 zan dar 8-9 velah Zokhumi te inah kawngkapui aṭangin a lut a, Zokhumi mut pindanah lutin, a lo muhil lai chu chemte-in a vit a ni.
Court thutlukna (judgement order)-a ziah lan a nih danin, Lalrempuia chu December 25, 2014 zanah police hmaah a inpuang a, Zokhumi chu a thah a nih thu a sawi. Police hmaa Lalrempuia inpuan dan chuan, December 17, 2014 zan dar 8-9 velah Zokhumi te inah kawngkapui aṭangin a lut a, Zokhumi mut pindanah lutin, a lo muhil lai chu chemte-in a vit a ni.
Lalrempuia chuan Zokhumi a vih hnuah tukverh (balcony door) a hawng a, a vihna chemte chu a paih chhuak a ni. Zokhumi lukham hnuaia chabi a la a, steel almirah pahnih a hawng a, almirah-a pawisa awmte a lak hnuah kawngkapui aṭangin a chhuak. Thubuaiah hian thuhretu 19 an awm.
Thuhretute thu sawi leh fin-fiahna hrang hrangte ngaihtuah a nih hnuah, Sessions Judge Joel Joseph Denga chuan finfiahnate chu Lalrempuia'n Zokhumi a that tih finfiahna tling tâwkah a ngai lo a; March 25, 2019 khan thutlukna siamin, Lalrempuia chu Zokhumi thah thubuai (IPC 302) leh pawisa rûk thubuai (IPC 380)-ah thiam a chantir ta a ni.
Thubuai ngaihtuahnaah hian Lalrempuia tan ukil SL Thansanga a ding a, sorkar (police) aiawhin sorkar ukilte (public prosecutor) an ding thung.
YMA-in sorkar an ngen
Zokhumi thattua puh Lalrempuia chu Court-in thiam a chantir avangin Mission Veng Branch YMA chuan Chief Secretary hnenah May 13, 2019 khan lehkha thehlutin, an member Zokhumi thattu chhui chhuah a ni ngei theih nana hma la turin an
ngen a ni.
Zokhumi thattua puh Lalrempuia chu Court-in thiam a chantir avangin Mission Veng Branch YMA chuan Chief Secretary hnenah May 13, 2019 khan lehkha thehlutin, an member Zokhumi thattu chhui chhuah a ni ngei theih nana hma la turin an
ngen a ni.
Mission Veng Branch YMA chuan an lehkhaah chuan, "Kan Branch member thihna chhan leh a thattu chhui chhuah theih loha a awm reng hi a ná kan tiin, hrehawm kan ti tak meuh a ni," an ti a; Mizoramah tualthattute man chhuah loha an awm leh zalen taka an awm zui tâk sawi tur a awm fo chu mipui leh sorkar tan a hmingchhiatthlak tih sawiin, Zokhumi thattu a rang thei ang bera zawng chhuak ngei tur leh chak zawka hma la turin Chief Secretary hnenah ngenna an thehlut a ni.